നക്ഷത്ര തടാകം മലയാറ്റൂർ മെഗാ കാർണിവലിനു മുന്നൊരുക്കം

നക്ഷത്ര തടാകം മലയാറ്റൂർ മെഗാ കാർണിവലിനു മുന്നൊരുക്കമായി ചിറയും, പരിസരപ്രദേശങ്ങളും വൃത്തിയാക്കുന്നത് ആരംഭിച്ചു.\

മലയാറ്റൂർ നീലീശ്വരം പഞ്ചായത്ത് പ്രതിനിധികളും, മലയാറ്റൂർ ജനകീയ വികസന സമിതി അംഗങ്ങളും, പൊതുജനങ്ങളും ഇതിൽ പങ്കുചേർന്നു. വരും ദിവസങ്ങളിൽ ഇതിനു തുടർച്ചയായി കാർണിവൽ നടക്കുന്ന പരിസരങ്ങളെല്ലാം വൃത്തിയാക്കുന്നതായിരിക്കും.

ബഹു. എം. എൽ. എ. റോജി എം ജോൺ ഉദ്ഘാടകനായ പ്രസ്തുതപരിപാടിയിൽ പഞ്ചായത്ത് പ്രസിഡന്റ് ശ്രീ. ജോയി അവോക്കാരൻ, ജില്ലാ പഞ്ചായത്ത് മെമ്പർ ശ്രീമതി അനിമോൾ ബേബി, പഞ്ചായത്ത് പ്രതിനിധികൾ, ജനകീയ വികസന സമിതി ചെയർമാൻ ശ്രീ. സിജു തോമസ്, സമിതിയിലെ മറ്റംഗങ്ങൾ ഒപ്പം നാട്ടുകാരും പങ്കുചേർന്നു.

മുൻ വർഷങ്ങളിലെന്നപോലെ  ഈ വർഷവും ഡിസംബർ 25 മുതൽ 31 വരെയാണ് മലയാറ്റൂർ കാർണിവൽ നടക്കുന്നത്. പുതുവർഷത്തെ വരവേൽക്കുന്ന  ഡിജെ  പ്രോഗ്രാമിനുശേഷം  പപ്പാഞ്ഞിയെ  കത്തിച്ചുകൊണ്ടാണ്  ഇതിനു സമാപനമാവുക.